உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

நண்பனாகவே இருந்திருக்கலாம்




காதலெனும் சிறகெடுத்து
நானுனக்கு மாட்டிவிட்டபின்
இலக்கின்றி பறந்தலைந்த பொழுதொன்றில் தான்
எங்கோ தொலைத்திருந்தேன்
என் ஒற்றைச்சிறகை
சில்லு சில்லாய் சிதறிக்கிடக்கும்
பிரியங்களின் வார்த்தைகளிலெல்லாம்
நிறைந்து கிடக்கின்ற முகம்
இறைத்து போட்டபடியிருக்கிறது சபையேறா பேச்சுகளை
கதைசொல்லி களைத்து போகின்ற இடம்
காரணமின்று சிரித்துப்பார்த்த தடம்
எது என்னை உன்னை நோக்கியிழுத்ததென்று
நினைப்பை கொடுத்த களம்
அத்தனையும் தாண்டி
கடல் மணலின் பாதங்கள் பரப்பி விளையாடும்
பிள்ளைமனதாகிப்போகின்ற
ப்ரியத்தின் முன்
வெட்கங்களை உண்டு
வேட்கைகளை நிறைவேற்றும் உன் தளமெனக்கு
அன்னியமாய்பட்ட போதும்
அடுத்தடுத்த எடையிழப்புகளால்
நிலைகுலைந்து போன சுயம்
உன் முகமெடுத்து கொண்ட போதும்
உனது விருப்பங்களுக்கு முன்
பலியிடப்படும் எனது கனவுகளைபற்றியோ
காணாமல் போகும் வார்த்தைகளைபற்றியோ
பற்றற்றுபோன
பற்றுதலை பற்றி
யாதொரு கவலையுமுனக்கு இல்லையென்ற போதும்

தொலைத்திருப்பேனென்று
தெரிந்திருந்தால்
நண்பனாகவே இருந்திருக்கலாம்
நீ

5 நேசித்த உள்ளங்கள்:

{ Ramani S } at: 8/16/2013 9:15 முற்பகல் சொன்னது…

தொலைத்திருப்பேனென்று
தெரிந்திருந்தால்
நண்பனாகவே இருந்திருக்கலாம்
நீ/
/
இந்த வரிகளின் ஆழம்
அனுபவித்தவர்களுக்குத்தான் புரியும்
மனம் கவர்ந்த பதிவு
தொடர வாழ்த்துக்கள்

{ Ramani S } at: 8/16/2013 9:16 முற்பகல் சொன்னது…

tha.ma 1

{ வெற்றிவேல் } at: 8/16/2013 10:14 முற்பகல் சொன்னது…

T.M: 2

{ தமிழ்வாசி பிரகாஷ் } at: 8/16/2013 1:30 பிற்பகல் சொன்னது…

நண்பர்கள் யோசிக்க வேண்டும்... நண்பர்களாகவே இருந்துவிடலாம் என!!!

ரொம்ப நாள் கழிச்சு உங்க கவிதையை வாசித்தேன் ரேவா..

{ சே. குமார் } at: 8/17/2013 1:55 முற்பகல் சொன்னது…

தொலைத்திருப்பேனென்று
தெரிந்திருந்தால்
நண்பனாகவே இருந்திருக்கலாம்
நீ

-----------

ஆழமான அழகான வரிகள்...
அருமை....