உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

மனக்கடலில் மாட்டிக்கொண்ட வாழ்க்கைப் படகு





மிகுந்த அழுத்தத்திற்கு இழுத்துப் போகிறது
உன் இயலாமைப் படகு

நடுகடலில் கவிழ்ந்துவிடுமென்ற பயத்தை
என் பயமாய்
பறைசாற்றுகின்றாய்

உன் ராஜதந்திரம்
அரசவைக் கிரீடங்களில்
இன்னும் மின்னிக்கொண்டிருக்க

விழிபிதுங்கும் இப்பயணத்தில்
வழிப்போக்கனின் புன்னகைக்கூட கிடைக்காத
உன்னிடம்
புத்தன் பற்றி பேசியிருக்கக் கூடாது

நீ
இப்போது
தனியே துடுப்பசைக்கிறாய்..

-ரேவா

0 நேசித்த உள்ளங்கள்: