வாழ்வது மெய்யடா

REVA KAVITHAIKAL

காதலே!

நான் வாழும் நேரத்திலும்
நீ இன்றி
நான் வீழும் நேரத்திலும்,
உன் காதலோடு நான்
வாழ்வது மெய்யடா.......

* உன் நினைவோடு
நீ நின்ற இடத்திலும்,
நீ ரசித்த பொருளையும்
உன் நினைவாய் வைத்து
நான் ரசிக்கும் என் காதல்
மெய்யடா..............

* நீ முதன் முதலாய்
எனக்காய் கொடுத்த
பரிசையும் உன் நினைவாய்
எனக்குள் வைத்து, அந்த
பொருளோடு உன்
இஸ்பரிஸம் காணும்
என் காதல் மெய்யடா............

* நான் தூங்கும் நேரத்திலும் ,
தூக்கம் இன்றி
நான் துவளும் நேரத்திலும்
அன்னை மடியாய்
எனக்கு அறுதல் தரும்
உன் நினைவுகளோடு
நான் வாழ்வது மெய்யடா....

* சத்தமின்றி நான்
அழுகின்ற நேரத்திலும்,
சத்தமாய் நான்
சிரிக்கின்ற நேரத்திலும்,
சாதனையாய் என்
எழுத்துகள் வரமறுக்கின்ற
நேரத்திலும்,
வரமளிகின்ற உன் புகைப்படத்துடன்
நான் கலந்துரையாடும்
என் காலம் மெய்யடா.......

* தனிமையில்
உன் நினைவில் தவிக்கும்
நாட்களிலும்,
தவமாய் உன்னருகில் நான்
இருக்கும் நேரத்திலும்,
உனக்கு மட்டும் என்னுயிர்
என்று நான் என்னும்
என் எண்ணம் மெய்யடா....


காதலே!
நான் வாழும் நேரத்திலும்
நீ இன்றி
நான் வீழும் நேரத்திலும்,
உன் காதலோடு நான்
வாழ்வது மெய்யடா......


அன்புடன்
ரேவா