உன்னால் கற்றுக்கொண்டோம்

* வெற்றியும் தோல்வியும் மாறிமாறி 

நம்மை உருமாற்ற

நம் உயர்வுக்குத்தான் எதுவும் என்பதை 

அனுபத்தில் கற்றுக்கொண்டோம் 

* விழிநீர் வடிந்தாலும் உமிழ்நீர் கொட்டி உரசிப்பாக்கும்

சதைபிண்டங்கள் மத்தியில்...

விழுகின்ற நீரை துடைக்கின்ற கரங்களும் 

உண்டென்பதை புரிதலில் கற்றுக்கொண்டோம்

* தோற்றிடும் போதெல்லாம் தேற்றுவோர் 

நான் என்று மார்தட்டி,

நாம் தோற்றதை சொல்லிச் சொல்லி 

தூற்றுவோர் மத்தியில், 

நம் தோல்வியின் 

வேர்தனை தூர்வாரும் உறவும் 

உண்டென்று கற்றுக்கொண்டோம் 

* கூர்கொண்ட ஆயுதமின்றி,

கூர்மளிங்கிய நாவும் கூட காயப்படுத்துமென்பதை

கூறுகெட்ட நம்  நாவின்  வழியே கற்றுக்கொண்டோம் 

 * இறந்திடும் மனிதனும், இருந்திடும் மனிதனும்  

விதைத்திடும் விதைதான்

இனிவருவோர் வளர்ச்சிக்கு உதவிடும்

என்பதை வித்தகர்கள் விதைத்திட 

விதையின் வழியே கற்றுக்கொண்டோம் 

* உள்ளொன்று வைத்து புறம் ஒன்று 

பேசுவோர் தன்னை புன்னகையின் துணைகொண்டு

 புறம் தள்ள கற்றுக்கொண்டோம் .

* அன்பாய் பேசி ஆலகால விஷம் கக்கும்

 கொடியோரிடமும் அமுதுண்டு என்பதை 

அவரருகிலிருந்து கற்றுக்கொண்டோம் .

* அவனவனாய் இருக்க தோற்றுப்போய்

முகமூடி தனை அணித்து முகவரிதொலைத்த 

மூடர்கள் முகத்திரைகளைய கற்றுக்கொண்டோம் ..

* காதலில் விழுந்து விழி நீர் தேங்கி

தவிக்கும் நேரத்திலெல்லாம்,

காதல் என்பது  பொறுமையாய் பொருத்தரிதலில் 

உண்டென்பதை நட்பின் மூலம்  கற்றுக்கொண்டோம்

* பேய்மழையாய் இருந்தாலும் 

கடைசி துளி வந்தே நின்று போகும்...

போராட்டமே வாழ்வென்றாலும் 

சின்ன சின்ன சந்தோசங்கள் நம்மை கரைசேர்க்கும் 

என்பதை பொறுமையோடு கற்றுக்கொண்டோம்

* உயிர்சக்தியை ஒன்றாய் குவித்து

உண்மையும், உழைப்பையும் ஒன்றாய் திரட்ட

கிடைத்திடும் வெற்றி என்பதை

உன் சக்தி கொண்டு கற்றுக்கொண்டோம்....

ஆம் எம்  உயர்வுக்கு உயிர் சேர்த்த 

" மனமே" ... உன்னால் கற்றுக்கொண்டோம் ..

(நல்லோர் மனதிற்கும் , தன் பிம்பம் இதுவென அறிந்திடும் 

மனதிற்கும் , என் கவியில் காதலை கடந்து பயணப்பட என்னை உந்திய மனதிற்க்குமாய் இக்கவிதை.... புது முயற்சி பிடித்திருந்தால் மனம் விட்டு பாராட்டலாமே...)

அன்புடன் 

ரேவா