அவள் இல்லா நாட்கள்...

 

* தாயிடம் இருந்து,
தனிமையில் நடைபழக
ஆயத்தமான அன்றே
என் கைபிடித்து

எனை அரவணைத்தவள்    

நீ...

* இலக்கணமற்று 

நாம் நட்பாய்
இணைந்திருந்த
வேலையில்லெல்லாம்,
அறியாத  ஒன்றை  

அறிகின்றேன் தோழி
நீ என்னோடு இல்லா 

இந்நாளில்
.
* நட்பாய் தொடங்கி,
நடிப்பில் மாறி,
நம்  உணர்ந்த காதலை
நாமே அறிவதற்குள்
நலம் விசாரித்தது நம் பிரிவு...

* கடலலை அறியாத
பிள்ளைப்போல்

நீயிருந்தும்
பொங்கிவரும் 

என் காதலை கரைசேர்க்க 

தெரியவில்லை
நீ இல்லா இந்நாளில்.....

* மரணத்தில் வாசல் ஒன்றை
மரணிக்கும் வரை 

அறியாததுபோல்...
உன்னோடு இருக்கும் வரை
உணராத என்  காதலை ...
உணர்கின்றேன் தோழி
நீ இல்லா இந்நாளில்...

* உன் நினைவின்றி 

மௌனமாய் நான் இருந்தாலும்
உள்ளிருக்கும் இதயம்
உன் பெயரே சத்தமாய்

சொல்லக்கேட்டேன்...

நிசப்தமும் என் அமைதி 

குழைக்ககண்டேன்...
நீ இன்றி நான் வாழ்தல்
சாத்தியமல்ல என்பதை
சத்தியமாய் நான் உணர்ந்தேன்
நீ இல்லா இன் நாளில்..

 

என் தோழி 

நீ இல்லா இந்நாளில்,

நீ விரும்பிய என்
கவிதைக்குள் நான் 

இருப்புக்கொள்ள,
இரவெது, பகலெது
அறியாமல் எழுதுகின்றேன்...
வெறும் கவிதையாகவே
என்  காதல் இருந்துவிட 

எண்ணுகிறேன்...

ஆம்...முடிந்து போன
என் காதல் 

வெறும் கவிதையாகவே 

இருந்துவிட எண்ணுகின்றேன்...

அன்புடன் 

ரேவா

என்  முந்தய பதிவு : நீயும் நானும் இனி எதிரிகள்