வெற்று மைதானமென்னை
வெறுமை சூழத்தந்தாலும்
ஆடிக்களைத்த நிகழ்வுக்குள்
ஓடிவிளையாடுகின்ற ஒற்றை பந்து
காதல்
தோல்விகள் புரிந்தாலும்
தொடர்ச்சியாய் முயற்சிகள்
அயற்சியை மறைக்கும் நினைவுகள்
வலிக்கு வலியென வழிகொண்டு தொடர
வார்த்தைகொண்டு அடைக்கிறாய்
உரையாடல் பெருவெளியை
உடலுக்கும் உயிருக்குமான
தொடர்பு அறுபடும் இறுதி போராட்டத்திலும்
வசதியாய் வந்தமர்கிறாய்
எத்தனை முயன்றும் கிட்டாத வெற்றியில்
பார்வையாளனைப் போலிருக்கும்
காதலுக்கு
சமாதானம் சொல்லமுடியா வார்த்தைகளை
கைக்கு கொடுக்கின்றேன்
காதலென்பது எழுதப்படாத தீர்ப்புகளில்
நிறைந்திருப்பதென்று
-ரேவா
0 கருத்துகள்:
கருத்துரையிடுக