உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

மலரும் புன்னகை




மொட்டு விட்டிருந்த ரோஜா
இன்று மலர்ந்து சிரிக்க
நாளை என்னவாகிப் போகுமென்ற நினைப்பில்
சிறைபிடித்துக்கொண்டேன்
புகைப்படத்தில்

நெருங்குகின்ற இரவை
நிறுத்துவதெப்படி
என்ற யோசனையில்
உறங்கிப்போக

இரவை மென்று விழுங்கியபடி
பகல் எட்டிப்பார்க்க
நேற்றைய இடத்தை
தொலைந்திருந்த ரோஜாவுக்காய்
கனத்து தொலைந்தது மனம்

எதிர்பாரா திசையில் கண்கள் திரும்ப
ஒன்றுக்கு பத்தென
பலவண்ண பூக்கள் புதுப் புன்னகைகொடுக்க
நேற்றைய ரோஜா புகைப்படத்தில்
பதில் புன்னகைகொடுக்கிறது
எதையோ சொல்லியபடி..


-ரேவா

0 கருத்துகள்: