பயமெனும் சாத்தான்
கோரமுகம் காட்டி கொடுக்கிறான்
தொலைவுகளை
எதிர்ப்படும் புன்னகையின் மணத்தில்
புகைய கிளம்பியவன்
பதிலாய் தருவது போலியென்றான பின்
தோல்வியின் முகத்தில் தொங்கல் விழுந்தது
எதுவும் தேவையில்லை என்ற
பதிலின் தேவைக்கு பின்னும்
சாத்தானுக்கான தேவையிருந்தது
இனி அவசரமில்லை
ஆர்ப்பாட்டமில்லை
இதயத்துடிப்பில் ரயில் நுழைய அவசியமில்லை
கைக்குலுக்கல் எனும் ஆரம்ப முடிவின்
கைவிளக்கில்
விழிக்கத் தொடங்கிய வெளிச்சம்
வாசல் திறந்து விடுகிறது
0 கருத்துகள்:
கருத்துரையிடுக