உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

வியாழன், 29 ஜனவரி, 2015

சொல்லமுடியாததின் செல்லுபடியாக காரணங்கள்




எதையும் சொல்லமுடியாமல் போவதற்கு
எதையாவது சொல்லியது தான் காரணமென்று
நாம் சொல்லத் தேவையில்லை
 

சமாதானத்திற்கோ சிறு புன்னகைக்கோ
மன்னிப்பெனும் வலிமுறிவிற்கோ காத்திருக்கும் மனதும்

கொடூர மிருகமென அதன் மகுடிக்கு 
நம்மை ஆட்டிவைக்கலாம்
 
தவறை விழுங்க நினைக்கும் சரிகளும்
சரிக்கு பின்னிருக்கும் சரிதெரியாத தவறுகளும்
எப்படியும் தூங்கவிடப்போவதில்லை

அனாதையாக்கிவிடப்பட்ட காரணங்களுக்கு முன்
எதையும் சொல்லமுடியாமல் போவது
எதையாவது சொல்லியது தான் காரணமென்று
நான் சொல்லித்தெரியவேண்டியதில்லை
உங்களுக்கு ...

0 கருத்துகள்: