விளங்கக் கேட்கும் ரகசியங்களின் விடியல்

தூக்கம் தொலையும் படி செய்துவிட்ட இரவுகளின்
கூரையொழுக பெய்துகொண்டிருக்கிறது
நேற்று

கதகதப்பு வேண்டும் கனவுகள்
நனவிலி மனதின் சுவடு

திரும்பும் வழியறியாது பெய்துவிட்ட
காரணங்களின் சீலிங் பொத்தல்
நிறைய வைத்த பாத்திரத்தின் கொள்ளளவு

தெறித்து விழும் துளிகளின் இயலாமை
ரசம் பூசிச் சிரிக்கும் கண்ணாடி ரகசியங்கள்
பிரதிபலிப்பில் மாறிக்கொள்ளும் பிம்பம்
காட்சிப்படுத்தும் தோரணையின் அசெளகர்யம்
சொட்டு சொட்டாக்கித் துளிர்க்க விடுகிறது
வெளிச்சத்தை
-ரேவா