உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

செவ்வாய், 17 ஜனவரி, 2017

உச்சியேறும் விளையாட்டின் வெயில்


சொற்ப வெயிலை ஏற்கும்படி
அடத்தோடு நுழைகிறது
குளிர் பொழுதின் தட்ப வெட்பம்

டீபாயில் குவிந்துள்ள செய்தி
காபி டம்ளரின் சூட்டுக்கு இசையப் பழகிய பின்
இதழ் ஏற்கும் பதம்
இன்னதென்பதின் சுவாரஸ்யம்
பித்தமேறி விழுங்கும் எச்சில் கசப்பு

பிடித்ததின் அபத்த கணம்
அரங்கேற்றும் தப்பிதம்
சறுக்கி விடும் மலை முகடு

சிராய்ப்புகளில் உறுத்தும்
ஈர மண் தழும்பில் மொய்ப்பதாக இருக்கிறது
உச்சியேறிய விளையாட்டின்
வெயில் சொல்

(painting :Kauber-Carol )

- ரேவா



0 கருத்துகள்: