முத்தவழிச்சாலை

 

இருபக்கமும் அடர்ந்திருக்கும்
அவ்வசீகர சாலை
ஆரம்பத்தில் குறுகளாகி
ஆரம்பித்ததன் வேகத்தின் கணக்கில்
லாவக ஓட்டம் பிடிக்க
அழுத்தம் நிறைந்த பகுதிக்குள்
தடையின்றி செல்ல
நீலியின் கைகள்
ஏதுவாய் அமைய

தூரமாய் செல்லச்செல்ல
செல்ல கைகளாய் மாறிய
நிழல்
உதிர்ந்த காரணங்களையெல்லாம்
கிளையேற்றி பார்க்கும்
கண்களை கொடுக்க

நிலா
நீ
வானம்
தனிமையென அலைந்து பறக்கின்ற
மனதிற்கு
வேகத்தடையெடுத்து வருகிறது
இம்முத்தவழிச்சாலை...

முத்தபுராணம்

 
சத்தமில்லாமல்
நம் சரித்திரம் சொல்லட்டும்
இந்த முத்தபுராணம்...

 உயிர் ஒப்பந்தமொன்றை
உதடுகள் எழுதுகிறது
முத்தமெனும்
 மையிட்டு
*
சொர்க்கமென்பதை
இரண்டாய் பிரித்து
உன் இதழாய் படைத்தானோ
இறைவன்...
 *
ஒரு துளியாய் விழுந்து
பிரவாகமாய்
உருவெடுக்கும் வித்தையை
எப்படி கற்றது
உன் முத்தம்...
*
உனக்காக ஒன்று
எனக்காக ஒன்றென
தனைக்காக்க தானாய்
வளருகிறது
இம் முத்தம்...
*
ஊடலை உடைக்க
உடன் எடுத்துவருகிறாய்
உன் முத்தத்தையும்
அதன் மொத்தத்தையும்..
*
உனக்கு ஊட்டையில்
மட்டும்
பசியேறி ஏறிகொள்கிறது
இம்முத்ததிற்கு..
*
இன்னுமொரு கவிதையென
கன்னம் காட்டுகிறாய்
கட்டுக்கடங்காமல் இதழ்கள்
எழுதித்தீர்க்கிறது
உன்னை.
*
அசலோடு வட்டியை
அடம்பிடித்து வாங்கும்
முத்த வட்டிக்காரனாய்
உன்னை முழுதாய் மாற்றியிருந்தது
இம்முத்தம்...
*
காமத்தின் சாவியிட்டு
காதல் திறக்கும்
ரகசிய வழி
முத்தம்
*
முதல் முத்தத்திற்கு
முகம் மூடுகிறாய்
விரலிடுக்கில் வந்து விழுகிறது
நாணமெனும்
முத்தம்..
*
 உலராமலே கிடக்கிறது
நீ உயிர்த்தொட்டு
எழுதிய கவிதையொன்று
இதழிலில்..
*
இதழ்கோப்பைதனை
மறுமுறையென்
இதழ்மாற்று
போதை தெளியட்டும்
இம்முத்ததிற்கு..
*
உனைக்கண்டதும்
கவியெழுத
காதல் கட்டெடுத்த
வார்த்தை
முத்தம்...
*

சத்தமில்லாமல்
நம் சரித்திரம் சொல்லட்டும்
இந்த முத்தபுராணம்...

முத்த யு(ச)த்தம்....

* சத்தம் இல்லாமல்
ஓர் முத்த யுத்தம்
அவள் இதழ் போர்க்களத்தில்.
இதில் தோற்பதிலும்,
வெல்வதிலும் மகிழ்ச்சியே
காதலுக்கு..

* நம் காதல் வாழ்வின்,
சுவர்க்கப் படிகள்,
உன் இதழ் தானோ.....
தீண்ட தீண்ட
பி(தி)றக்கிறது
காதல்......

* உன்னிடம்,
ஆசையாய் நகைகேட்டால்,
முத்தம் கொடுத்தே,
நகைக்க வைக்கிறாய் 

நீ...

* சத்தம் இல்லாமல்
இருக்கும் இரவில்,
ஓர் முத்தச் சண்டை,
யார் முதலில் கொடுப்பதென்றும்
யார் முதலில் பெறுவதென்றும்....

 
 

* முத்தம்
என்னும் கவிதை
எனக்காய் பிறக்கும்போதெல்லாம்,
என்னுள் பிறக்கிறது
காதல்....

* எத்தனை முறை
தோற்றாலும் பரவாயில்லை...
அன்பாய் நீ தரும்
ஒற்றை முத்தம்
எனக்கு கிடைக்குமாயின்...

* முத்தம் காதலின்
முத்திரை...
முத்தம் கொடுங்கள்
அன்பு பெருகும்...
முத்தம் வாங்குங்கள்
அன்பு நிலைக்கும்.. 

என் காதல் எதிர்பார்ப்பு

 

* காதலாய் முதல் முதல்

என் இதயம் தொட்ட 

என் கள்வனே!!!

* என் இதயம் உன்னிடம்  மாறிய
காலம் முதலே உன்னோடான
என் காதல்  எதிர்ப்பார்புகள்

நீளத்துடங்கின..

* அழுகையில் ஆரம்பித்து
புரிதலில் தொடங்கி,
அரவணைப்பில் முடியும்
என் வாழ்வின் பக்கங்கள்
உன் வரவையே
எதிர்பார்த்து  காத்திருக்கின்றன....

* செல்ல சினேகிதா!!!
உன் காதல் சொல்லி நீ
எனக்காய் காத்திருந்த காலம்

எல்லாம் கர்ஜனையோடு 

உன்னை வெறுப்பதாய்
என் அழகோடு நான் கர்வம் கொண்டேன்...

* உன் காத்திருத்தலின் வேகம்,
உன் அன்பின் ஆழமும் 
என்னையும் காதல் கொல்லச்செய்தது ...

* உன் வழிவரும்வரை
என் விழிப்பார்வைக்கு
காத்திருந்த நீ.,
இன்று விழிமேல் வழிவைத்து
காத்திருந்தும் வேலையின் பெயர் சொல்லி
என்னை காக்கவைப்பதேன் 
காதலா?

என் எதிர்பார்ப்பெல்லாம்  

* தலை சாய்ந்து படுக்கும்
போது... அரவணைக்கும் தோளாய்
கோதுகின்ற விரலாய்,
 உன் நேசம் எனக்காய் இருக்க  வேண்டும்...

* சண்டையின் போது சமாதான 

தூதுவனாய் உன் முத்தம்
எனக்காய் இருக்க வேண்டும்...

* அலுவலக நேரத்தில் 

அலுக்காமல்  உன் அலைபேசியில் 

எனை அழைத்து அன்புகதை
நீ  பேசிடவேண்டும் ...

* விரும்பிய நேரத்தில்
என் விழிகள் தேடும் தூரத்தில்
உன் பிம்பம்.நான் காண வேண்டும்.

* சோதனைகள் வந்தாலும்..
சாதனைகள் புரிந்தாலும்
உன் தோள்சாய்ந்து

நான் வெற்றி கூச்சலிட
நட்பாய் நீ எனக்கு வேண்டும்...

*  தோல்வியின் வேதனையிலும்...
வெற்றியின் பாதியிலும்
பலம் தரும் பாதுகாவலாய்

நீ எனக்கு வேண்டும்..

* உறவாய் வந்து என் உணர்வில்
கலக்கும் என் உயிராய் நீ எனக்கு வேண்டும்..

* நான் வாழ்கின்ற வரைக்கும் 

என் காதல் மரணம் தொட்டு முடியும் 

வரைக்கும் உன் காதல் எனக்காய் வேண்டும்... 

* என் இதயம் கவர்ந்த கள்வனே !!!!

உன்னோடான என் எதிர்பார்ப்புகள்

ஏமாற்றத்தை தந்தாலும்.. 

எதிர்பார்க்காமல் என்
எதிர்கால வாழ்வை
வாழ கற்றுத்தந்தது உன்னோடான
என் எதிர்பார்ப்பு...

ஆம்!!!!
* அன்பு கொண்ட நெஞ்சில் எல்லாம்
ஆயிரம் அசைகள் இருக்கும்
என்றால்...
ஆன்பால் எனைவென்ற என்
ஆடவனே!!!
நீயின்றி நீளும் என் நாட்களின்
எதிர்பார்ப்பெல்லாம்....
உன் குரல் கேட்டு
என் பொழுது விடியவேண்டும்...
உன் மடியில்
என் இரவு முடியவேண்டும்...

அன்புடன் 

ரேவா

கொஞ்சம் கொடுக்கலாமே!!!!!

கள்ளி உன் வெட்கத்தையா 

கேட்டேன் ...
உன் வெட்கத்தின் பின்னால்
எனக்காய் நீ ஒளித்து
வைத்திருக்கும் என் முத்தத்தை

தான் 

கொஞ்சம் கொடுக்கலாமே!!!!!

அன்புடன் 

ரேவா

காதல் சான்றி(இ)தழ்....

காதல் ஒப்புதலுக்கு
நீ கொடுத்த சான்றிதழோ ??? 
உன்  இதழ் முத்தம்.... 

அன்புடன் 

ரேவா