♥ ♥ ♥ உயிரினும் மேலான காதலுக்கு.....♥ ♥ ♥

♥ நம் முதல் சந்திப்பில்
மௌனமாய் நீ கடந்தாலும்,
உன் காதல்
புரியாமல் இல்லை
என் இதயத்திற்கு...

 ♥ பிழைகளோடு 

நீ அனுப்பும்
கடிதத்திலெல்லாம்,
பிழையில்லாமல் தெரிகிறது
எனக்கான காதல்....

♥ உன்னை பற்றி
நினைக்கையில்
தானாய் வந்து ஒட்டிக்
கொள்கிறது,
உன் அழகும்,
உன் மீதான காதலும்.

♥ எப்போதோ நீ
பரிசளித்த,
கைகுட்டையில் புதைந்து
கிடக்கிறது,
உன் வாசத்தோடு
நமக்கான காதல்..

♥ நீ சாப்பிட்டு
மிச்சம் தரும்
மிட்டாய்களில் எல்லாம்
இனித்து கிடக்கிறது,
உன் காதல்...

♥ பொய்யாய் இருந்தாலும்
பேரழகி  நீ
என்னும் சொல்லில்,
சொக்கிப் போகிறது
என் காதல்...

♥ ஒவ்வொரு சண்டைக்குப்
பின்னும்,
சமாதானத் தூதுவனாய்
மாறிப் போன,
உன் முத்தத்தில்
ஒளிந்து கிடக்கிறது,
காதல்...

♥ உன்னை மாற்ற
நானும்,
என்னை மாற்ற
நீயும்,
காரணமாய் இருந்தது,
நம் காதல்..

♥ கண்ணாடி முன் 

அழகாய் தெரியும் 

நீ,
என் முன் 

காதலாய் தெரிவது

ஏன்?.....

♥ உன்னை தொட்டுப் பேசும்
தென்றல்...
என்னிடம் கொட்டிச்
செல்கிறது,
உன் மீதான என் 

காதலை....

♥ ஒரு முத்தத்திற்காய்
தூங்குவது போல நடிக்கும்
அழகனே,
நீ நடிப்பது தெரிந்தும்,
நடிக்காமல் நான் கொடுக்கும்
முத்தமும் காதலே....

♥ என் நாட்குறிப்பு
ஒரு நாளும்
குறிப்பெடுத்துக் கொள்ள
மறப்பது இல்லை...
காதலோடு 

உன் பெயரை.....

♥ நீ குறும்பு செய்யும் 

போதெல்லாம்,
கோவம் வரவில்லை,
அசடு வழியும் 

உன் முகம் பார்த்து 

காதல் தான் வருகிறது..

 ♥ என் எல்லாக் கவிதைகளும்
உன் வாசிப்புக்கு 

பின்னே
முழுமையடைகின்றன,
என் வாழும் காலமும்,
உன்  நேசிப்புக்கு
பின்னே அர்த்தமடைகின்றன,
இந்த காதலால்...

 ♥ ♥ ♥ ♥ ♥ ♥

என் டைரியில்...

* உன் பார்வை

என்னுள் கிறுக்கியதில்
இருந்தே,
எதை எதையோ கிறுக்குகிறேன்
என் டைரியில்...
அத்தனையும்
உன்னைப் போல, அழகாகவே
முகம் காட்டுகிறது
காதல் எனும் கவிதையாய்....

அன்புடன் 
**** ரேவா *****

மழைக்கால காதல்...

 ஆண் பால் 

மழைக் கம்பிகள்
அவள் தேகம் தொடும் போதெல்லாம்
ஆயிரம் ஊசிகள்
என் நெஞ்சில் தைக்கிறது...
இந்த அழகு சிலைக்குள்
முடியும் என்று தெரிந்திருந்தால்
மழையாய்  ஜனித்து, மழையாகவே

அவளில் சங்கமித்திருப்பேன்....

விடாத மழை விட்டு
தீர்ந்தாலும்,
உன்னை பார்த்ததில் இருந்து
என்னுள் இடி முழக்கம்..

மழையை ரசிக்க
நீ ஜன்னல் ஓரம் வந்து
நிற்கும் போதெல்லாம்,
ரசிக்கிறேன் மழையை
ரசிக்கும் ஒரு அழகுச் சிலையை..

அழகுப் பெண்களுக்கு
பெரும்பாலும் மழை
பிடிக்குமாமே..
பின்ன
வானமகன் போடும் 

கோலத்தை
ஏந்திக் கொள்ள 

யாருக்கு தான் பிடிக்காது...

 பெண் பால் 

கொட்டி தீர்த்து
விட்ட நிம்மதியில்,
மழைக்காற்று சலனமற்று
சில்லென்ற  காதில் சங்கீதம் பாட
என்னுள் அடைமழை
ஆரம்பம் அவனை நினைத்து...

 

தாளம் தப்பாமல்,
அவன் தேகம் தொடும்
மழை..
அதைப் பார்த்ததும்
எனக்குள் தப்பு தாளங்கள்..

இந்த மழை முடிவதில்
சம்மதம் இல்லை எனக்கு,
குடைக்குள் மழையாய்
என் அருகில் அவன்  

**********

கொஞ்சம் பெரிய கவிதை தான் பொறுத்துக்கோங்க  இருவர் உணர்வையும் பதிக்க நினைத்ததால் இவ்வளவு நீளம் ஹ ஹ....

முந்தய பதிவு : யார் அறிந்தார் 

பாஸ் அப்படியே  மறக்காம உங்கள் கருத்துக்களை இன்ட்லி உலவு தமிழ்மணம் இந்த மூன்றிலும்   இட்டுச் செல்லவும்.....

அன்புடன் 

ரேவா 

என் இதயத்தில் நீ...

♥  என் இதயத்தில் 

நீ இருப்பதாலோ 

என்னவோ...

துடிக்கும் இதயம் 

கூட அடிக்கடி இடம்மாறுகிறது...

உன்னைப்போல.....

**************

♥ துடிக்கும் இதயமாய் 

என்னோடு நீ...

அதனாலே நீள்கிறது

என் காலம்....

******************

♥ உன்னைக் காணும் போதெல்லாம் 

வெறுக்கிறேன்,

காணாத போதோ 

கரைகிறேன்...

தனிமையிலோ உணர்கிறேன், 

காதலாய்

என் ♥♥இதயத்தில்♥♥  நீ...

*********

அன்புடன் 

♥ ♥ ரேவா ♥ ♥ 

முகவரி தொலைத்த முகங்கள்..

* வானம் போர்த்திய
பூமிக்குள்..
பலகோடி
சாயம் பூசிய போலி
முகங்கள்....

* முகவரி  தந்த  தாயிடம் கடிந்து கொண்டு ,
முகவரி இல்லா இணைய
நட்பிடம் சிரித்து சிரித்து
பேசும் சில முகங்கள்..

* தங்கையின் வேண்டுகோளை
நிராகரித்து, எதிர்வீட்டு நங்கைக்காய்
காத்துகிடக்கும் சில முகங்கள்..

* நலம் விசாரிப்பதாய் தொடங்கி
நண்பனின் சட்டைப்பையில்
ஒளிந்து கிடக்கும் சில முகங்கள்..

* உள்ளொன்று வைத்து,
புறம்தனில் இனிக்க இனிக்க
பேசி கழுத்தறுக்கும்
சில முகங்கள்...

* பிறர்  உணர்வுகளை புரியாமல்,
உள்ளம் கொள்ளும் சில முகங்கள்

* காதலை வகைப்படுத்தி,
நாகரிகப்பெயர்சொல்லி
இளமையை தொலைக்கும்
சிலமுகங்கள்...

* விடியலில் கட்டிய மனைவியிடம்
கர்ஜனை செய்து விட்டு,
பெட்டிப் பாம்பைப் போல்
 பிறர் பேச்சுக்குள் அடங்கிப் போகும்
சில முகங்கள்...

* சிரிக்க மறந்து, சிந்திக்க மறந்து
பிறர் உணர்வு மறந்து
தன் சுயம் எதுவென்று
அறியாத சில முகங்கள்

* சுற்றியுள்ள சமூகம்
வித விதமாய் நமைமாற்ற
நம் சுயம் மாறவும் முடியாமல்,
மீளவும் முடியாமல்,
போட்ட சாயத்தில் ஒன்றிப்போன
முகங்கள்


* வெளியில் ஒரு முகம்,
வீட்டில் ஒரு முகம்மென,
மாறிமாறி,
தன் முகம்
எதுவென தானே அறியாமல்
தன் முகவரி தானே
தொலைத்த முகங்கள்...


* வானம் போர்த்திய
பூமிக்குள்..
பலகோடி
சாயம் பூசிய போலி
முகங்கள்....


அன்புடன்
ரேவா

முந்தய கவிதை : திரும்பிப் பார்க்கிறேன்

நம் காதல்

* என்னில் நான் உனைக்காண,

உன்னுள் நீ எனைக்காண

நம்முள் வளர்ந்தது 

நம் காதல்

இப்போதெல்லாம்  நான்

அதிகம்   கண்ணாடி 

பார்க்கின்றேன்...

என்னுள் ஒரு பேரழகு 

காதலாய் 

குடிகொண் டிருப்பதால்!!!!!

அன்புடன் 

ரேவா

இந்த காதலால்?!............

காலம் மறந்தேன்!.....
காட்சிகள் மறந்தேன்!.....
சுழலும் பூமி
சுத்தமாய் மறந்தேன்!.....
உறக்கம் மறந்தேன்!.....
உள்ளுற இருக்கும்
உள்ளத்து உணர்வுகள்
உன்னிடம் உரைக்க மறந்தேன்

இந்த காதலால்?!............

அன்புடன் 

ரேவா

சுகம்...

.

* உன் விரல் பிடிக்கையில் தான் 

என் தந்தையின் சுகம்

உணர்கின்றேன்..

* தந்தையாய் என் (அன்பு) சுமை

என்னவென்று 

அறிகின்றேன்....

* மாற்றங்கள் வாழ்க்கையில் 

மாறாமல் இருக்க..

நான் வாழ்வில் அடைந்த 

மாற்றமே "  நீ " 

அன்று " பிள்ளையாய் "

இன்று " தந்தையாய் "

அன்புடன்

ரேவா 

காதல் சான்றி(இ)தழ்....

காதல் ஒப்புதலுக்கு
நீ கொடுத்த சான்றிதழோ ??? 
உன்  இதழ் முத்தம்.... 

அன்புடன் 

ரேவா

என் மனதிடம்..

* தினமும்
உன்னை மறக்கும் முயற்சியில்
தோற்றுப்போகிறேன்
என் மனதிடம்....

அன்புடன்
ரேவா