*
எதைக்கொண்டும் தொடங்கிவிடலாமெனும் போது
எதிர் இருப்பது எளிதாகிறது
மாபெரும் பள்ளங்கள் சாத்தானின் முக்கோணங்களன்று
அவை
திரும்பி வரும் சாத்தியங்களுக்கு உட்பட்டது
தொலைதல் கணம் கண்டுபிடிக்கப்படும் போது
கண்டுணர்கிறோம்
உண்மைக்கும் பொய்க்குமான நூலளவு
பேதங்களை
நூல் பொம்மையின் இருப்பென ஆட்டங்கள்
ஆட்படுகிற ஆள் அளவே
அசைவிற்கும் அசைவின்மைக்குமான
நாடகம்
மற்றபடி
உதட்டுச் சாயங்கள்
அழகில்லை என்றால் ஏற்கவா போகிறோம்
நாம் உச்சரிப்போம் ஒப்பனைகளை
ஒப்பனைகளாய்
-ரேவா
0 கருத்துகள்:
கருத்துரையிடுக