உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

சுழற்சியின் நிறம்



வீடறியாதவனின் ஞாபக மறதியாய்
அத்தனை பாந்தமாய் நடக்கிறது
சந்திப்புகள் நமக்குள்


கைவிடப்பட்ட கைக்குட்டையொன்றை
துடைக்கக் கொடுத்த நாளில்
உப்புப் படிந்த கண்ணீரின் உதிரம்
விலக்கு நாள் அவஸ்தை


மரணபயம் கொடுத்திடாத விலகுதலால்
வலியேற்படுவதில்லை
முன்போல்


நெற்றி முத்தமொன்றின் பாலை
சுட்டெரிக்கிறது
கடல் பார்த்த நாளின் ஞாபகத்தை


கரை(றை) தெரியாமலே போகட்டும்

பஞ்சின் அவஸ்தை
நெருப்பு எப்படி அறியும்


-ரேவா
நன்றி
கணையாழி
(பிப்ரவரி 2016)

(இந்த வருடம் கணையாழியிலிருந்து தொடங்கியிருக்கிறது)


0 கருத்துகள்: