நிதானிப்பதற்குள் நிறைந்துவிடுகிறாய்
தனிமையள்ளிப் பருகும் பாத்திரம் பொத்தலிட்டுக் கிடப்பது அள்ளிப் பருகுவதின் வேகத்தைக் குறைக்கிறது
நீர்ப் புள்ளிகளால் வரையப்படும் கோலம் பூசணிப் பூவென மலர்கிறது தனிமையின் வனத்தில்
முழுக்கோலம் திருவிழாவாக்கும் கொண்டாட்டங்களில் பிடி தொலைந்த பிள்ளையின் தவிப்பாய் முனங்குகிற சொல் தேடித் திரிகிறது மடிதந்த சூட்டை
பற்றுவதாய் இல்லாத சொல்லின் கிளையில்
உதிர்கிற நம்பிக்கை
பெயர் தெரியா பறவையின் அமர்வில்
துளிர்க்கிறது
இலையுதிர்காலத்தில் வசந்தத்தை
0 கருத்துகள்:
கருத்துரையிடுக