*
ஒரு தற்காலிகம் தகவமைத்துக் கொள்கிறது
தனக்கான நிரந்தரக் கூடாரத்தை
வெயிலின் வெட்கை
கூடார நிழலின் வியர்வையெனப் பூக்கிறது
உப்பில்லா நாவில் உச்சரிக்கத் தயங்காத
முதுகெலும்பற்ற சொல்லின் மலர்தல்
நாரின் சூட்சுமத்தோடு மணக்கிறது
மாலையாகி
இருப்பதில் சேர்ந்திடும் ஈரம்
தொலைப்பதில் கண்டெடுக்கப்படும்
கானலின் மாயைக்குள் மறைந்துகொள்கிறது
நகர்தலில் உருவாகும் சொல்லின் புதிய பாதை
திறந்துவிடுகிறது
அனுமதிப்பின் ஆளுயரக் கண்ணாடி பிம்பத்தை
இனி
உன் அசைவு
என் அசைவு
ஒரு தற்காலிகம் தகவமைத்துத் தருகிறது
தனக்கான நிரந்தரக் கூடாரத்தை
0 கருத்துகள்:
கருத்துரையிடுக