உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

சிவப்பு உண்டியலில் சேகரமாகும் புத்தன்




பிரிவதாய் முடிவெடுத்த கோடையில்
சிவப்பு நிற உண்டியலொன்றை பரிசளித்தாய்

சேர்த்து வைக்க புன்னகைகளின்றி
இருள் சேமிக்கும் மெளனங்களை எடுத்து எண்ண
ஏற்றவொரு நேரமற்று வெறுமையில் அமிழ்ந்திருக்கும் நம்மிடம்
சில்லறைக்கான தேவை வாய்க்கவே இல்லை

மெளனம் நிறைந்து
அறையெங்கும் வழியத் தொடங்கிய இருளால்

இரண்டாய் பிரிந்த படுக்கைக்கு நடுவே
வெளிச்சமூட்ட எடுத்து வைத்த நைட் லேம்ப்

போதி மரமாகி புத்தனை நிரப்பி வைக்கிறது
சிவப்பின் உண்டியலில்


-ரேவா

0 நேசித்த உள்ளங்கள்: