உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

அரவங்களுக்கு இடமற்ற தோட்டத்தின் ஆப்பிள்




வலிக்க அடித்த பின்னும்
திரும்பிப் பார்க்க முடிகிற காயங்களில்
இன்னும் இருக்கிறான்
ஓர் ஆதிகால ஆதாம் ஏவாளின் கரம் பற்றி

ஆழப் புதைந்த நிராகரிப்புக்கு பிறகும்
ஏதேன் தோட்டத்து ஆப்பிளை
பறித்துத் தரக்கேட்கிற அவள் கண்களில்
மொழியின் நிர்வாணம் பழமென குழைந்திட
உண்ணத் தருமவன் பாவனையின் தோளுக்கு பின்
அருவருப்பாய் அரவங்கள்

விஷம் கூடி இருளச் செய்கிற இருப்பின் தடம் கீறி
வழியுமந்த ரத்தச் சிவப்பில் மீண்டு எழுகிறது
அரவங்களுக்கு இடமற்ற ஓர் ஆப்பிள் தோட்டம்

-ரேவா

0 நேசித்த உள்ளங்கள்: