உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

தேங்கிக் கிடக்கும் மனதின் வார்த்தை லார்வாக்கள்


ஏங்கித் தவிப்பதாய் பெருந்தாகம்
வார்த்தை ஊற்றைக் கையள்ளிப் பருக
நாசியேறிய அவசரம்
சிதறித் தெரிக்கிற எச்சில் கோவங்கள்

தலைத்தட்டி அடங்கச் செய்யும்
ஆளுமை
நிதானத்தின் சாதிக்கு புழங்கத் தடையெழுப்ப
பெருகி வீணாகும் ஊற்று
குட்டைகளில் மெய்க்கும் லார்வாக்கள்

உட்சென்ற வார்த்தைகள்
உறிஞ்சும் ரத்தத்தில்
செரிக்க இடமற்று
பலவீனப்படும் பாதை
மீறிக் கடப்பதாய்
முன்னெச்சரிக்கைப் பாதுகாப்பு
வெறும் காலில் நடந்த அவஸ்த்தைக்கு
முற்றுப்புள்ளி

-ரேவா

(Painting Denise )


0 நேசித்த உள்ளங்கள்: