உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

உயிர்த்தெழும் உபரி வண்ணங்கள்


வண்ணங்கள் மீது பழுப்பேறச் செய்யும்
வெயில்
கூர் தீட்டும் பார்வை
குறைந்த அளவுக் காட்சியின் பிடிமானம்

அனுமானக் கனவுகளில்
சருகுகளின் வாசம்
வெற்றுக் குதிரையை இழுத்து வர
காலம் தொலைத்ததில்
அஜாக்கிரதைக் காற்சிலம்பு

எரித்திட அனுமதிக்கா கனவின் நகரம்
கரிப்பூசிய வண்ணத்திடம்
வாதாட முடியா ஊமை நாக்கு
உடைந்தழுவதில் தெளிந்த வானம்

மீண்டெழுதலைச் சாத்தியமாக்குகிறது

-ரேவா

0 நேசித்த உள்ளங்கள்: