உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

இல்லாத ஒன்றில் இருக்கும் கவிதை


வேகம் கூடும் ஒரு கட்டளையின்
தீவிரத்தை
நீ உணரத்தேவையில்லை

ஓடும் கால்கள்
உட்காந்துகொள்வதின் சோம்பேறித்தனம்
வாய்த்துவிட்ட
உனக்கு
அது புரியப்போவதுமில்லை

நிபந்தனைகள்
நீங்கிப் போவதாக இருக்க
கோரிக்கைகள் மன்றாடலின் திரிபிடித்து
எரியும் வலி
உனக்குத் தெரியப் போவதில்லை

மூர்ச்சையாக்கும் கேள்விகள்
முன்
பாவமன்னிப்பிற்காய் மண்டியிடும்
உன்னிடம்
திருச்சபை சார்பிலே சொல்கிறேன்

உன் பாவங்களுக்காய் நான் வருந்துகிறேன்
இவர்கள் தெரிந்தே செய்கிறார்கள்
இவர்களை ரட்சியும்
ஆமென்.

-ரேவா


0 கருத்துகள்: