உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

பாலையில் பெய்யும் மழை




துளி ஈரம் மிச்சமிருக்கையிலே
அதை விட்டிருக்கலாம்

முடியும் வரை உறிஞ்சியெடுத்துவிட்ட பின்
உலர்வுகள்
பிளந்த உதடுகளை
வெடிப்புகளாய் விரித்துக்காட்டியும்
பருகுதல்
கானல்


இருந்தும் துரத்துகின்றாய்
கைக்கெட்டா தூரத்தில் தெரிந்திடும் வார்த்தைக்காய்
போராடிப் பார்க்கும் நிலம்
மீண்டும்
மழை வேண்டி தவமிருக்கும்

நீ
மட்டும் பொழியாதிரு
உன் மாமழையை


-ரேவா
Painting : Michaela

0 கருத்துகள்: