உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

சிறகில் ஒளிரத் தொடங்கிய இருள்




முடியவில்லை எனும் போது
முடித்துக் கொள்வதின் தீவிரத்தில்
விழித்திருக்கிறாய் என்னோடு

பளபளக்கும் கத்தி தான்
சிறகு பூட்டி விடுகிறது
கை மணிக்கட்டுக்கு

உறக்கமற்று விழித்திருக்கும் இரவும்
இனியொரு உறவுமில்லையென
வெளிச்சம் தொலைத்த இருளும்
ஒன்றென உணர்ந்து
தாழ் நீக்கி விடுகிறேன்

கொஞ்சம் தூரமே
சிவப்பின் சிறகு
உயரப் பறக்கும் துயரத்தின் பின்
பெரிய வானம்

-ரேவா

ஒவியம் :fatma abdullah lootah 


நன்றி : (கீற்று.காம் 15-05-14)

0 நேசித்த உள்ளங்கள்: