உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

அழைப்பின் தொடர்பு எல்லை




அழைத்துக் கொண்டே இரு
துடிக்கும் இதயம் சற்றே இடமாறி
முகம் அருகே படபடத்துத் துடிக்கட்டும்
அதுவரை
அழைத்துக் கொண்டே இரு

மீறிக் கொண்டே இரு
தாண்டிப் போன எல்லைக் கோட்டில்
தொலைந்த உன் அளவு தெரியும் வரை
மீறிக் கொண்டே இரு

கனன்று கொண்டே இரு
ஞாபகத்தணல் கொடுக்கும் கானல் சூட்டில்
வெடிப்புகள் கிளம்பும் வரை
கனன்று கொண்டே இரு

இப்போது உரக்க மொழி
ஒழுங்கங்கெட்டவளென்று
எப்போதும் உன் மனதிற்கான சமாதானமாய் அது மாறட்டும்

சற்றே பொறு

இவ்வுணர்வை எழுதக்கூட்டிச் செல்கிறேன்
அதற்கு முன்
துண்டித்து விடாதே உன் அழைப்பை

அழைத்துக் கொண்டே இரு

-ரேவா

0 நேசித்த உள்ளங்கள்: