உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

இருண்மையின் பறத்தல்

இருண்மையின் கையில் 
துளிப்பார்வை வெளிச்சத்தோடு அமர்ந்திருக்கிறாய்

பார்க்க சற்றே தயக்கமாயிருந்தாலும்
அடிமனதில் நிறைந்து வெளியேரும் கேள்வியின் இருட்டுக்கு 

தேவையாய் இருக்கிறது அப்பார்வை

மிகநிதானமாய் தவழ்ந்து வருகின்ற பதிலில்
முடிவிலியின் கணங்களொன்று முடிவுக்கு வருவதாய்
நம்பச்சொல்கிறது அறிவிப்பு


வேறென்ன
நம்பிக்கையின் யன்னல் திறந்து பறக்கவிடுகிறேன்
கனவுப் பறவையின் சிறகினை பிடுங்கி

 

0 கருத்துகள்: