உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

சேமிப்பில் செலவான செல்லாப் பிரியங்கள்


காலத்தை இழுத்து மூடும்
மூர்க்கத்தின் இழுப்பறையைக் கொஞ்சமேனும்
திற

இடம் கொள்ளா கனவின் நரைக்கு
சாயம் பூச சந்தர்ப்பம் கொடு
இல்லை
புழுங்கிச் சாகும் அதன் கழுத்து நரம்பை
நீயே அறு

வலித்துச் சாவது தான் வாய்க்குமென்றானபின்
வந்தவன் கரத்திலே போவது
வரம்

உன் மூர்க்கத்தின் இழுப்பறையைக்
கொஞ்சமேனும்
திற

கண்ணெட்டும் தொலைவு வரை
கனவுகளைச் சேமிக்க வேண்டும்

-ரேவா


0 கருத்துகள்: