உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

வலியில் திறக்கும் மெளனம்



கடந்து போவதற்குரிய வழியொன்றை
அமைத்துத் தருகிறாய்

நீள அகலங்கள் வசதிப்படாத இருப்பில்
எனதறையைக் காலி செய்யச் சொல்கின்ற
மெளனத்திடம்
பேசிச் சலிப்புற்ற வார்த்தைகளை
புது விலாசம் தேடச் சொல்லி
நிர்பந்திக்கிறாய்

ஈரங்கள் உலர்ந்ததும்
கிளம்பிவிடுவதாய் சொல்லும் உரையாடலுக்கு
காதுகொடுக்காது கதவடைக்கும்
மெளனமே
புதிய இலக்கத்தை எழுதிவிட

கடந்துபோவதற்குரிய வழியொன்றை
நீயே திறந்தும் விடுகிறாய்

- ரேவா
painting : GabalGabow
நன்றி :கீற்று.காம் (20.09.14)

0 நேசித்த உள்ளங்கள்: