உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

பிடி நழுவலில் சில்லுகளாகும் ப்ரியங்கள்



இன்றும் அதே போன்றதொரு ஊடலில்
கவிழ்த்துகிறாய்
மேஜையில் கண்ணாடி டம்ளரை

உள்ளிருக்கும் அனல் காற்றோடு உபத்திரவமற்று தலைகுனிந்திருத்தல்
தற்செயலெனும் பாவனை
நீட்டித்துக் கொடுக்கிறது
நீண்டதொரு மெளனத்தை

நிலை விளக்கும் பார்வை
தப்பிழைக்கும் அர்த்தங்கள்
தாவியோடுகிறது
விரிப்பின் அனர்த்த மூலைக்கு

சரிசெய்திட
உதறியெடுத்த ஒன்றிணைப்பின்
பிடி நழுவல்
உடைந்து கிடக்கும் பல நூறு காட்சி
அன்றும் அதே போன்றதொரு ஊடலின்
நிரம்பி வழிந்த ப்ரியத்தின் சில்லுகளாய்

-ரேவா

(painting : Skye Taylor)

0 கருத்துகள்: