உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

எடைகூடுதலின் இடத் தேடல்



பொதிமாட்டைப் போல் சுமந்துவர வேண்டியிருக்கிறது
மரத்த தோளில் பொறுமையை

அதீத சுமையில்
நுரைத்துத் தள்ளும் வார்த்தைகள்
நிலம் போய் சேர்வதில்
ஈரம் காய்ந்த வடுக்கள்

மிதித்துக் கடக்கும் பயணம்
குறிப்பெடுக்கும் மைல் கல் தூரத்தில்
இளைப்பாறல்

இடம் நோக்கி நகர
இழுத்து வரப்படும் நம்பிக்கை
லாடம் தேயும் தொலைவுகளால்
திணறும் சுமை
திறவுகளாக்கி இறக்கப்படும் வார்த்தைகளை
மென்றுகொண்டே நிற்கிறது


-ரேவா

0 கருத்துகள்: