உனக்கு மிக நன்றாக தெரிந்த விஷயத்தை, அதுபற்றி கொஞ்சமும் தெரியாத ஒருவன் சொல்லிக் கொடுப்பதை கேட்க நீ தயாராக இருந்தால் நீ வாழ்வில் வெற்றிபெறுவாய்-நிகாலஸ் செம்ஸ்ஃபோர்ட்

மழை கிழிக்கும் கோடையின் வசந்தம்


காத்திருக்கத்தான் வேண்டுமென்ற கட்டளையில்
அழைத்து வருகிறாய் ஒரு மழைப் பொழுதை

வெயில் பொழுதின் தகிப்புக்கு
சிறுமழை ஆறுதலென்ற கோட்டைத் தாண்டி
அடித்துப் பெய்கிற மெளனத்தின் சுவர்களில்
வலிந்து இறங்குகிறாய்
வழியற்ற நேசத்தின் நிறத்தோடு

முடிவுறும் கணங்களின் நம்பிக்கை
சேர்த்திருக்கும் ஞாபகங்கள்
விட்டுக் கொடுத்தலின் வெறித்த வானை
தரிசிக்கத் தொடங்கையில்

வருகை குறித்த அறிவிப்பின் வழியாய்
கொண்டு வருகிறாய்
உன் கோடையை

***

-ரேவா


0 கருத்துகள்: