தொலைவு செல்வதொன்றும்
துயரமாயில்லை
பயணப்பெட்டியில் எடுத்துக்கொண்ட ஆறுதல்
இளைப்பாற இடம் தரும் நம்பிக்கை
காலூன்றி நடக்கிறது
எதுவும் புதிதில்லையென்ற சூட்டில்
எடுத்துக் கொண்ட முயற்சி
செயலற்றுப் போவதில்
அயற்சி உடைத்து பருகத்தரும்
இளநீர்த் தெம்பைப் போல்
கிளம்பிய இடத்திலிருந்து கைகாட்டும் கனவு
கடத்தியபடி இருக்கிற துளி நிழலின்
தூர் பிடித்து முளைக்கிற வாசல்
திறந்து விடுகிறது
துயரப்படுத்தும் தொலைவை
(painting :Ivan Guaderrama )
-ரேவா
0 கருத்துகள்:
கருத்துரையிடுக