*
தற்காலிகம் வீடாவதில்லை நிரந்தரத்திற்கு
இருந்தும் கட்டிக்கொள்கிறது
அனுமதிக்கிற காரணங்களின் நுழைவாயில்
காட்டிக்கொடுப்பதில்லை
மாறாக
காட்சிப்படுத்துகிறது அசாதாரணத்தை சாதாரணமாய்
மேலெழும் ஆரம்பங்களின் அஸ்திவாரம்
இலகுவாக்குகிறது
கட்டுமானங்களோடான தப்பித்தலை
முகவரியற்ற இருத்தலுக்கும்
முகவரியோடான இருப்பின்மைக்குமான வித்தியாசம்
தொலைதல் கணங்களாகையில்
மீட்டெடுக்கமுடியா திசை நோக்கிப் பறக்கிறது
கவனிக்க மறந்த சொல்லின் சிறகுகள்
இனி
தற்காலிகத்தின் திசை
விடியலில் நிறமேற்கிற சொல்லின் திசை
0 கருத்துகள்:
கருத்துரையிடுக